CATA

CATA
Contacta con nosotr@s

sábado, 27 de abril de 2013

Charrar, cantar e chugar. Diya d’a Luenga Materna 2013 | AraInfo | Achencia de Noticias d´Aragón

Charrar, cantar e chugar. Diya d’a Luenga Materna 2013 | AraInfo | Achencia de Noticias d´Aragón

Charrar, cantar e chugar. Diya d’a Luenga Materna 2013

Enviado por  el 26 abril, 2013
Charrar, cantar e chugarO día sabado 27 d’abril, o Centro Joaquín Roncal (plaza Sant Braulio, 5, Zaragoza) será escenario d’a celebración d’o Día d’a Luenga Materna. En un acto organizau por Rolde d’Estudios Aragoneses, con l’emparo d’Unesco Aragón, y a colaboración d’as asociacions culturals Bente d’Abiento y O Trango y d’a Fundación CAI-ASC, asinas como con a participación d’atras entidatz, centros escolars, grupos mosicals s’amostrará a faina en as escuelas, tanto de Zaragoza como d’atras localidatz aragonesas, en relación con l’amostranza d’a luenga aragonesa y, por extensión, d’o treballo d’educadors y alumnos, en una mesa en valor de l’activo que suposan as luengas minoritarias en o nuestro territorio.
O Día Internacional d’a Luenga Materna, 21 de febrero, estió proclamau por a Conferencia Cheneral d’a Unesco en noviembre de 1999. Dende 2000, ista calendata ye feita con l’obchectivo de promover o multilingüismo y a diversidat cultural. As luengas son l’instrumento de mayor aconsiga t’a preservación y o desembolique d’o nuestro patrimonio cultural tanchible y intanchible. Toda iniciativa ta mirar d’estendillar as luengas maternas ferá honra no solament ta empentar a diversidat lingüistica y a educación multilingüe, sino tamién ta creyar mayor consciencia sobre as tradicions lingüisticas y culturals d’o mundo y inspirar a la solidaridat dende l’entendimiento, a tolerancia y o dialogo.
En ista ocasión, a celebración s’ha tresladau a una calendata mas proxima a la fin d’o curso escolar, ta poder amostrar con mas fidelidat ixa labor. Mosica, treballos audiovisuals, juegos, bailes ferán parti d’un acto ludico y participativo.
Será en o Centro Joaquín Roncal de Zaragoza (Sant Braulio, 5), o día sabado 27 d’abril a partir d’as 18.30 horas, con dentrada libre dica completar aforo.

No hay comentarios:

Publicar un comentario