CATA

CATA
Contacta con nosotr@s

domingo, 24 de febrero de 2013

A Marea Ciudadana arrocla a mils de personas en Aragón | AraInfo | Achencia de Noticias d´Aragón

A Marea Ciudadana arrocla a mils de personas en Aragón | AraInfo | Achencia de Noticias d´Aragón

Foto: Pablo Ibañez | AraInfo
Foto: Pablo Ibañez | AraInfo
ARREDOL | Os manifestants protestaban por “o golpe d’estau financiero”. Bi ha habiu actos en todas as ciudatz y lugars grans d’Aragón.
A tamás d’a fredor y o cierzo que ha protagonizau a chornada d’o sabado, mils de personas s’han arroclau en a clamada “Marea Ciudadana” d’o 23F, un conchunto d’actos y protestas convocadas en tot l’estau contra “o golpe d’estau financiero” y as politicas economicas y socials d’os gubiernos.
En Zaragoza, a las 19.00 horas, a Plaza d’o Pilar s’empliba con representants de más de cinquenta organizacions politicas, sindicals, ciudadanas, culturals, y prou que sí d’as mareas, movimientos socials en esfensa de sectors d’intrés publico como a educación u a sanidat. Astí se han leyiu bell par de discursos.
En 1981, dimpués d’o golpe d’estau militar, a ciudadanalla se manifestó masivament en esfensa d’a libertat y a democracia. Agora, aquí, 32 anyadas dimpués, tornamos a estar en a Plaza d’o Pilar t’o mesmo”, leyeba un d’o representants d’as entidatz convocants. Dimpués d’os discursos, o microfono ha iu pasando de man en man leyendo-se consignas contra as politicas d’o gubierno presidiu por Rajoy. A concentración s’ha dau por rematada cantando o “Canto a la libertad” de Labordeta que ha cantau toda la plaza de conchunta.
A movilización, alavez, s’ha trestallau en dos collas. Una, que marchaba por o centro de Zaragoza enta una siede d’o PP a rebutir de policía, y una atra, que se feba bell poquet ent’a puerta d’a Delegación d’o gubierno espanyol, a on que han remaniu por bell par d’horas. A tamás d’a fuerte presencia policial, no bi ha habiu garra incident.
Tamién desafiando a la fredor, quasi 2.000 personas han recorriu o centro de Uesca con lemas como “SOS As personas primero” u “No ye una crisi, ye una estafa”. En Teruel meyo millar surtiban d’a Plaza de Sant Chuan. Dimpués d’a manifestación bells quantos s’han amanau ta siede d’o PP a on que han deixau bells sobres apegaus en a suya paret. MonzónAlcanyiz, Binefar, Exea Chaca son atras d’as ciudatz que han viviu movilizacions mientres o diya.

No hay comentarios:

Publicar un comentario